للغزل اصوله

من طرف سمو الاحساس الخميس مارس 13, 2008 4:09 pm

يالحر هي طايره بشكال وانواعي = انته فهيم وفهيم الفهم يساويها

ماجيتك الا بعد ماضاقت اوساعي = عندي وصيه ابا تفهم معـــــانيها

ودي تقرب وتنصتلي بالاسماعي = وان طالت السالفه ماباك تشكيها

ربي بلاني بحب انسان ماطاعي = من زود حبي يقوم الشعر يبكيها

ان كان علمي وصلك ارجوك لاداعي = مظمونها خطوتن زادت خطاويها

لاتفشي السر وتزود لي اوجاعي = مثلك يطبب جروح القلب يشفيها

ان كان نفسك تلوم الحب ياساعي = شكرا وشكرا ترى ماعاد لي فيها

ان كان قلبك على هالـحب جواعي = انا اشهد اني وصلت ولك معاليها

حبك ترى زارعه مابين الاضـــلاعي= ليته يشوف المحبه كيف نسقيها

الصاحب الي يخل القلب لـــواعي = قلــه يشــيل الحـــــواجز لا يخليها

لو زاد ثقله ترى باقول طماعــي = هذي وصــاتي ولــه تكــفي توديــهـا